هي الشب اللي كان يقللي بحبك تا ينشف البحر ... ونجمات السما توقع متل الورق الأصفر .. عرفتو ؟؟
لا
وكان بدو يتجوزني وخطبني.. عرفتو ؟؟
لا
يبقى يقعد عهديك المسطبة ينطرني يومية ويتروق خمسة فولو واتنين حمص ..
ماعرفتو ..
لك كان يمسح عندك مافي غيرو سباطو اكبر من رجلو
لك إ إ إإإإإإ عرفتوو عرفتوو نايف أبو درع واااااااين صارت اليوم رجلو اكبر من سباطو ..
لي ؟؟
عكتر ما بيكدح .. شطح إئياسو
وشو أخبارو؟؟
باللوج بشتغل سمسار أراضي .. رتب حالو منيح .. وعمر طابقو واتجوز ..
إتجوز ؟؟؟!!!!!
إتجوز ؟؟؟؟ لكان هيييك !!!
زماااااااان !!!
هن وآخديني عالنظارة كان واقف عم يبكي.. متكي عهالباب ويقللي ناطرك تا تخلص الدني
إإإ بس فتتي عالحبس خلصت الدني !!!
تاري ناسيني !! وانا كل هالمدة فكر كيف بددي لاقيه !! وقللو اتأخرت عليك !! بدي عوضللك الماضي !!
بس !! معو حق يا جرجي !! 15 سنة عمر !!! 15 مرة حصدو القمح !!!
15 مرة عصروا الكرم !!!
15 مرة إجا الشتي وراح !!!
ما زارك ولا مرة ؟؟
ولا مرة !!
بعداا محرمتو وايدو عم يللوحو ببالي !! واقول وينو هو ما بزورني ؟؟؟ وينشغل فكري !!
مرات اعملو شهيد واقول يمكن مات من الحب !!! متل ما كنا نقرا عن العشاق !!
وارجع قول نايف صحتو منيحة وعتعيت !! مش معقول يطق من الحزن بيصبر !!! بس ولا مرة اتصورت انو اتجوزز !!!!
ههييي شو فكرك البعد جفا !!
مع هدا كلو بيسيطروا وبيحكموا !!!
بعالم المساكين ... الحب ما الو هالقوة !! الرغيف أقوى !!
ياريتني بقيت بالحبس !!
كنت بضل عايشة عمشوف اللي حبيتو !!
بتصور كيف ممكن يركضو يلاقوني .. العزايم السهرات الفرح اللي من جوا ...
تاري الناس أقرب الناس إلك .. لما بتغيب وبتطول بكونوا دبرروا حالهن بدونك ....
أخدو مطارحهن .. مرتك أولادك ... تختك عم بناموا فيه ... أوضتك كبروا سكنو فيا ..
إزا رجعت ؟؟؟ بتكون راجع من الماضي تخربط حياتهن ...
إللي بروح !!! مش لازم يرجع !!!


[link]